MARKAZIY ASAB TIZIMINING PERINATAL ZARARLANISHI VA UNING BOLALAR RIVOJLANISHIGA TA’SIRI

##article.abstract##

Mazkur ishda markaziy asab tizimining perinatal zararlanishi va bolalik davrida shakllanadigan nevrologik sindromlarning somatik rivojlanishdagi buzilishlar bilan o‘zaro bog‘liqligi o‘rganildi. Kuzatuv obyekti sifatida nevrologik reabilitatsiya markazida davolangan bolalar va o‘smirlar tanlandi. Tadqiqot 2 yoshgacha bo'lgan 110  nafar bemor bolalarning shifoxonaga yotqizilish vaqtida qayd etilgan ma’lumotlari asosida retrospektiv ravishda olib borildi. Ularning barchasida markaziy asab tizimining perinatal zararlanishi yoki unga aloqador nevrologik sindromlar mavjud edi. Antropometrik ko‘rsatkichlar statistik standartlarga muvofiq ravishda z-ballar orqali baholandi. Natijalar: Perinatal zararlanish belgilari bolalarning sezilarli qismining rivojlanish jarayonida namoyon bo‘ldi. Ko‘pincha past bo‘y, vazn yetishmovchiligi va bosh atrofi anomaliyalari uchradi. Ba’zi bolalarda esa makrosefaliya yoki baland bo‘y qayd etildi. Harakat faoliyatining cheklanishi ham ko‘pincha perinatal zararlanishga duch kelgan bolalarda kuzatildi. Xulosa: Markaziy asab tizimining perinatal zararlanishi bolalarning o‘sish va rivojlanish jarayoniga sezilarli ta’sir ko‘rsatadi. Patologiya turli buzilishlar orqali namoyon bo‘lib, bolaning umumiy hayot sifati va ijtimoiy integratsiyasini qiyinlashtiradi. Demak, ushbu patologiyani erta aniqlash va kompleks davolash usullarini qo‘llash bolalar salomatligi uchun zarurdir.