ПОСТРЕПРОДУКЦИОН ДАВРДА ҚУЁНЛАР ИНГИЧКА ИЧАК ШИЛЛИҚ ПАРДАСИ ЭПИТЕЛИЙСИ АПУДОЦИТЛАРИНИНГ МОРФОЛОГИЯСИ
##article.subject##:
қуёнлар, ингичка ичак, сенил остеопороз, пострепродукцион давр, диффуз эндокрин тизим, апудоцит, суяк минерализацияси##article.abstract##
Долзарблиги. Маҳаллий нейротрофик ва эндокрин бошқаруви ва назоратининг издан чиқиши ҳисобига кекса ва қарилик даврларида организм учун зарур бўлган моддалар (шу жумладан кальций) сўрилишининг бузилиши таянч-ҳаракат тизимининг айрим касалликлари (остеопения, остепороз, остеомаляция ва бошқалар) ривожланишига сабаб бўлади. Кўпинча остеопорознинг келиб чиқиш сабабларидан бири ичакларнинг яллиғланиш касалликлари ҳисобланади [1].
Тадқиқот мақсади. Пострепродукцион ёшдаги қуёнлар ингичка ичаги шиллиқ пардаси эпителийси эндокриноцитларининг морфологик ва морфометрик хусусиятларини ўрганиш.
Материаллар ва тадқиқот усуллари. Бизнинг тадқиқотимиз учун материал сифатида пострепродукцион ёшдаги, кўпайиш қобилиятини йўқотган 12 та қуён ингичка ичаклари олинди. Ҳайвонлар биоэтика қоидаларига риоя қилган ҳолда жонсизлантирилиб сўйилган ва ингичка ичаги рулон шаклида тўпланган ва Буэн суюқлигида фиксация қилинган.
Натижалар. Агар ёш ҳайвонларда ингичка ичак девори шиллиқ қават эпителийсида эндокриноцитларнинг микроскопнинг кўриш майдонидаги миқдори ўртача 6 дан 9 гача бўлса, пострепродукцион даврдаги қуёнларда бу кўрсаткич 4 ва 5 га камаяди. Шу билан бирга, очиқ типдаги эндокриноцитлар сони ҳам камайганлигини кузатиш мумкин. Флюроген аминларни тутувчи эндокриноцитлар тузилишини ўрганганимизда ҳам репродуктив ва пострепродуктив ёшдаги ҳайвонлар ўртасида юқорида тавсифланган фарқ мавжудлигини тасдиқланди. Пострепродукцион даврдаги қуёнлар эндокриноцитларида импрегнация даражаси ҳам пасаяди ва натижада ҳужайраларнинг шакли ҳам маълум даражада ўзгаради. Кўпинча эндокриноцитлар цитоплазмасининг вакуолизацияси кузатилади.
Хулоса. Пострепродукцион ёшдаги қуёнлар ингичка ичаги шиллиқ пардаси эпителийси эндокриноцитларининг морфологик ва морфометрик хусусиятлари ўрганилди. Етук қуёнлар ингичка ичак деворида очиқ ва ёпиқ типдаги эндокрин ҳужайралар топилди. Ингичка ичак ворсинкалар эпителийси таркибида очиқ типдаги эндокриноцитлар, криптлар эпителийси таркибида эса ёпиқ типдаги эндокриноцитлар кўпроқ учрайди. Пострепродукцион даврдаги қуёнлар ичаги эндокриноцитларида импрегнация даражаси пасаяди ва натижада ҳужайраларнинг шакли ҳам маълум даражада ўзгаради. Пострепродукцион ёшдаги лаборатория ҳайвонларида ингичка ичакнинг маҳаллий диффуз эндокрин аппаратида ўзгариш кузатилади, бу эса сўрилиш жараёнларининг бузилишига олиб келиши, қонда кальций концентратциясининг пасайиши ва бу ўз навбатида суяк тўқималарининг минерализация даражасининг пасайишига олиб келиб, сенил остеопорознинг ривожланишининг сабабларидан бири бўлиши мумкин.
Библиографические ссылки
Дехканов Т., Махмуров А. Морфология клеток диффузной эндокринной системы тонкой кишки животных с сенильным остеопорозом //Журнал вестник врача. – 2012. – Т. 1. – №. 04. – С. 49-52.
Комаров Ф.И., Галкин В.А., Иванов А.И., Максимов В.А., дуоденохоледокопанкреатик зона органларининг қўшма касалликлари. Москва, 1983 йил, 255-сон.
Ризаев Ж.А., И.Р. Агабабян, and Ю.А. Исмоилова. "Мировой опыт работы специализированных клиник по лечению больных с хронической сердечной недостаточностью." Вестник врача 3 (2021): 100.
Холхужаев Ф. И., Орипов Ф. С. Изменения в эндокринных клетках эпителия слизистой оболочки тонкой кишки в пострепродукционном периоде //Журнал биомедицины и практики. – 2022. – Т. 7. – №. 3.
Холхужаев Ф. И., Орипов Ф. С., Уринбаев П. У. Некоторые показатели частоты сочетания переломов костей с заболеваниями органов желудочно-кишечного тракта //Вопросы науки и образования. – 2021. – №. 8 (133). – С. 4-9.
Холхужаев Ф. И., Орипов Ф.С., Хусаинбаев Д.Д. Пострепродукцион даврдаги қуёнлар суяк тўқимаси минерал таркибининг ўзига хослиги //Журнал доктор ахборотномаси. – 2022. – № 3 – С. 42-46
Эршкова А.Б., Дроздова В.Н., Румянтсев В.Г., Ичакнинг яллиғланиш касалликларида остеопорознинг этиопатогенези, диагностикаси ва даволаш. Экспериментал ва клиник гастроэнтерология 2005.- №3.- С. 8-14
Rizaev J. A., Khazratov A. I., Iordanishvili A. K. Morphofunctional characteristics of the mucous membrane of the masticatory apparatus in experimental carcinogenesis //Russian Journal of Dentistry. – 2021. – Т. 25. – №. 3. – С. 225-231.
