МИЛКЛАРНИ РЕТРАКЦИЯ ҚИЛИШНИНГ БАЪЗИ ХУСУСИЯТЛАРИ
##article.subject##:
ретракция, милк чўнтаги, қолип, ретракцион иплар, эпинефрин##article.abstract##
Зинапоя ҳосил қилиб чархланган таянч тишларга сунъий қопламалар зич бирикиши учун, зинапоянинг атрофи яхши кўриниши керак. Бунга ҳар хил усуллар билан еришса бўлади. Терапевт ва ортопед стоматологлар кундалик амалиётда милкларни ретракция қилиш усулини қўлаашади. Милкларни ретракция қилиш биринчи марта 1941-йилда Томпсон томонидан таърифланган. Бугунги кунда стоматологик асбоб ашёлар бозорида ретракцион ипларнинг ҳар хил турини кўриш мумкин. Юқори аниқликдаги қолипларга бўлган асосий талаблардан бири бу таянч тишдаги зинапоянинг аниқ акс етиши ҳисобланади. Сифатли қолип олиш учун қолип олувчи масса айнан милклар ретракция қилинган соҳага яъни милк чўнтагига тўсиқларсиз кириб бориши керак. Тиш қаттиқ тўқимасининг умумий емирилишида, тишларнинг ҳаммаси ёки уларнинг кўпчилигининг анатомик шаклини тиклашга тўғри келади. Бундай ҳолларда милкларни ретракция қилишнинг шундай усулини танлаш керакки, бу усул нафақат аниқ қолип олишга ёрдам бериши балки милкларга салбий таъсири ҳам кам бўлиши керак. 1975-йилдан бошлаб PubMed ва Google Scholar маълумотлар базасида олиб қўйилмайдиган тиш протезларида қолип олгунгача бўлган милк тўқимасини бошқариш бўйича тадқиқотлар олиб борилган. Хулосалар биз томонидан чиқарилди ва умумлаштирилди. Милкларни ретракция қилиш механик, кимёвий ва хирургик усулларга бўлинади. Бу мақолада икки қаватли қолип олиш учун милкларни ретракция қилишнинг ҳар хил усуллари муҳокама қилинади.
