ТУРКИСТОН БОШҚАРУВИ ТИЗИМИДА ҲУҚУҚНИ МУҲОФАЗА ҚИЛУВЧИ ОРГАНЛАР ФАОЛИЯТИДАГИ МУАММОЛАР (Фарғона вилоят милиция органи мисолида)

##article.abstract##

Ушбу мақолада 1924 йилларда Туркистонда, хусусан, Фарғона вилоятида милиция ҳамда “Кўнгилли милиция” ларнинг фаолияти, уларнинг иқтисодий ва молиявий таъминотидаги узилишлар, шу муносабат билан милициялар сонининг қисқариши, уларга ажратиладиган маблағ ҳамда озиқ-овқат таъминотидаги муаммолар ҳақида сўз боради.  Шунингдек, ишчи-деҳқон милициясини совет ҳокимиятининг дастлабки йилларидаги фаолияти, яъни милиционерлар икки турга: давлат томонидан таъминотдаги, асосан шаҳарлардаги милиционерлар ва кўнгилли милиционерлар бўлганлиги ҳақидаги маълумотлар келтирилган. Кўнгилли милиционерлар таъминоти жойлардаги аҳоли зиммасига юклатилганлиги, бу эса ўз навбатида, тартиб-қоида, ҳуқуқни муҳофаза қилишда, аҳоли ўртасида давлат манфаатларини қўриқлашда маълум бир “акс-садо” берганлиги таъкидланади.