1945–1956-YILLARDA XORAZM VILOYATIDA PENSIYA TA’MINOTI (YUTUQ, KAMCHILIK VA TAFOVUTLAR)

##article.abstract##

Ushbu maqolada muallif tomonidan 1945–1956-yillarda Xorazm viloyatida sovet hokimiyati tomonidan amalga oshirilgan pensiya va ijtimoiy ta’minot siyosatining holati tahlil qilinadi. Tadqiqotda urushdan keyingi davrda pensiya ta’minotining yagona mexanizmi mavjud bo‘lmagani, ijtimoiy ta’minot organlari faoliyatidagi kamchiliklar hamda aholi orasida yuzaga kelgan norozilik holatlari yoritilgan. Shuningdek, viloyatning shahar va qishloq hududlarida pensiya ta’minotining notekis joriy etilgani, ayniqsa kolxozchilarning pensiya tizimidan chetda qolganligi arxiv ma’lumotlar asosida ochib berilgan. Maqolada Xorazm viloyatida pensiya ta’minoti tizimining shakllanish bosqichi hududiy va ijtimoiy tafovutlar kontekstida ilmiy tahlil qilinadi.