ADLIYA ORGANLARINING NORMA IJODKORLIGI SOHASIGA IXTISOSLASHUVI: RIVOJLANISH TENDENSIYALARI

##article.abstract##

So‘nggi yillarda, mamlakatimizda davlat organlarining norma ijodkorligi faoliyatini yanada takomillashtirish, xususan adliya organlarining bu boradagi faoliyatini rivojlantirish bo‘yicha qator ilmiy izlanishlar olib borilmoqda, jumladan, norma ijodkorligi faoliyatining nazariy-metodologik tahlili, adliya organlari norma ijodkorligining tashkiliy-huquqiy asoslari, normativ-huquqiy hujjatlar loyihalarini ishlab chiqish jarayoniga zamonaviy texnologiyalarini joriy qilish, shuningdek, ushbu sohaga «aqlli tartibga solish» modeli elementlarini tatbiq qilish sohalariga muhim ilmiy ahamiyat kasb etuvchi tadqiqot yo‘nalishi kabi alohida e’tibor qaratilmoqda. Respublikamizda norma ijodkorligi faoliyatida adliya organlarining rolini yanada oshirish hamda bu boradagi vazifa va vakolatlarini takomillashtirish, norma ijodkorligi faoliyatida yagona huquqni qo‘llash amaliyotini shakllantirish va bu bo‘yicha adliya organlari faoliyati samaradorligini oshirish, shuningdek sohaga raqamli texnologiyalarni keng joriy etish borasida keng qamrovli chora-tadbirlar amalga oshirilmoqda. Qayd etilganlardan kelib chiqib, mazkur maqolada sohaga oid qabul qilingan qonunchilik hujjatlari asosida adliya organlarining sohaga oid tuzilmalarini tashkil etilishi va norma ijodkorligi sohasiga ixtisoslashuvi nuqtai nazaridan tahlil qilingan. Shuningdek, maqolada “adliya organlarining norma ijodkorligi” tushunchasiga mualliflik ta’rifi ishlab chiqilgan.