ALISHER NAVOIY IJODINING BADIIY MOHIYATI HAQIDA MUMTOZ TADQIQOT

##article.abstract##

Maqolada Alisher Navoiyning komil inson va komil jamiyat haqidagi qarashlari Sharqning mutafakkir allomalari Yusuf Xos Hojib, Ahmad Yugnakiy, Nosiruddin Burhonuddin o’g’li Rabg’uziy, Nosir Xusrav, Kaykovus, Nizomiy Aruziy Samarqandiy, Fariduddin Attor, Sa’diy Sheroziy, Ubayd Zokoniy, Abdurahmon Jomiy, Husayn Voiz Koshifiy ijodiy meroslari rakursida qiyosiy-tipologik asosda o’rganiladi. Alisher Navoiyning she’riyatda majoziy tasvir va tavsif ifoda etilgan badiiy tasvir usullari haqida fikr yuritiladi. Maqola muallifi o‘z fikr-mulohazalarini asoslash uchun mo‘tabar islomiy manba’larga ham murojaat etadi. Ulug‘ shoir lirikasidan o‘rin olgan asarlar turli tasviriy usullar vositasida mazmunan kengayib borganligi yoritiladi.Kitob muallifi komil jamiyat va komil inson masalasi barcha zamonlarda ham ijodkorlarning diqqat markazida turganligini ta’kidlar ekan, shu ma’noda “Siyosatnoma”,”Qobusnoma”, “Chahor maqola”, “Guliston”, “Bahoriston”, “Mahbubul-qulub”, “Axloqi Muhsiniy”kabi asarlar davrlar ehtiyoji va talabi asosida yuzaga kelganligini qayd etadi. Olim bu asarlarning ayrimlari nafaqat badiiy qimmati, balki obrazlar tizimi, mavzu diapozoni nuqtai nazaridan ham bir-biridan farq qilishini yoritib beradi.