YOSHLARNI ISHGA JOYLASHTIRISHNING IJTIMOIY XAVFLARI VA TO’SIQLARI: NEET GURUHI, PREKARIZATSIYA, RAQAMLI TENGSIZLIK

##article.abstract##

Raqamli transformatsiya sharoitida yoshlar uchun mehnat bozori ham yangi imkoniyatlar, ham potensial tahdidlar yaratib, sezilarli oʻzgarishlarga duch kelmoqda. Raqamli texnologiyalarning tarqalishi bandlikning moslashuvchan shakllarini rivojlantirishni ragʻbatlantiradi, ammo mehnat munosabatlarida beqarorlikning kuchayishiga ham olib kelmoqda. Bunday sharoitda taʼlim tizimi nafaqat akademik tayyorgarlikni taʼminlashi, balki yoshlarning zamonaviy mehnat bozori talablariga muvaffaqiyatli moslashuviga xizmat qiladigan raqamli kompetensiyalarni shakllantirishi kerak. Raqamlashtirish xavfini kamaytirish uchun yoshlar bandligi sohasidagi ta’lim dasturlari va normativ-huquqiy bazani takomillashtirish zarur. Maqolada NEET-yoshlar, deb ataladigan bandlik va ta’lim sohasidan chiqarib tashlangan yoshlarning asosiy xususiyatlari tahlil qilinadi. Muallif shuni koʻrsatadiki, zamonaviy jamiyatda oʻrta maktab bitiruvchilari NEET avlodini shakllantirib, ota-onalar qaramogʻida qolmoqda. Dunyoning turli mamlakatlarida ushbu ijtimoiy guruh 29 yoshgacha boʻlgan yoshlarning toʻrtdan bir qismini tashkil etadi. Ushbu ijtimoiy jarayonning asosiy sababi oʻquv yurtlari bitiruvchilarining ta’lim tayyorgarligi sifatining mehnat bozori tuzilmasi va talablariga nomuvofiqligidadir.