ЯНГИ АВЛОД ЕНГИЛ АВТОМОБИЛЛАРИ БИЛАН ТЎҚНАШУВ ОҚИБАТИДА ВАФОТ ЭТГАН ПИЁДАЛАРДА ҚЎЛ-ОЁҚ СУЯКЛАРИ ШИКАСТЛАНИШЛАРИНИНГ ХУСУСИЯТЛАРИ
##article.subject##:
автомобиллар, янги авлод, пиёдалар, тўқнашувлар, шикастланишлар, қўл-оёқ суяклари, синишлар, диагностика, суд-тиббий экспертизаси##article.abstract##
Замонавий шароитда йўл шикастланиши дунёнинг кўплаб мамлакатлари учун долзарб тиббий-ижтимоий, иқтисодий ва демографик муаммо ҳисобланади. Тадқиқот мақсади – пиёдаларнинг ҳаракатланаётган замонавий «Chevrolet Daewoo-uz» енгил автомобиллари билан тўқнашишида қўл-оёқ суяклари шикастланишларининг морфологик хусусиятларини аниқлаш ва уларнинг шаклланиш механизмини асослаш. Замонавий «Chevrolet Daewoo-uz» енгил автомобиллари билан тўқнашиш оқибатида ҳалок бўлган 76 та жасаднинг суд-тиббий экспертизаси натижалари таҳлил қилинди. Вафот этганларнинг 56 нафари эркак, 20 нафари аёл бўлиб, уларнинг ёши 18 дан 74 ёшгача бўлган. Пиёдаларнинг замонавий «Chevrolet Daewoo-uz» енгил автомобиллари («Lacetti», «Nexia», «Cobalt», «Spark» ва «Matiz» русумлари) билан тўқнашишида бош, кўкрак қафаси, қорин ва қўл-оёқларнинг қўшма шикастланишлари устунлик қилиши, бунда асосан пастки аъзолар суякларининг синиши кузатилиши аниқланди. Болдир суяклари синишининг жойлашуви (баландлик даражаси) ва синиш соҳасидаги ташқи қоплам шикастланишлари (жароҳатлар, шилинмалар, қонталашлар) қуйидаги русумли енгил автомобиллар билан тўқнашувларда мос равишда ташкил этди: «Lacetti» – товондан 20,0 дан 45,0 см гача баландликда (кўпинча – 30,0; 35,0; 40,0 см); «Nexia» – 20,0 см дан 50,0 см гача (кўпинча – 30,0; 35,0; 45,0 см); «Cobalt» – 20,0 см дан 43,0 см гача (кўпинча – 33,0; 35,0 см); «Spark» – 8,0 см дан 47,0 см гача (кўпинча – 13,0; 18,0; 25,0; 35,0 см); «Matiz» – товондан 20,0 см дан 38,0 см гача баландликда (кўпинча – 30,0 см). Болдир суяклари синишининг шаклланиши шубҳасиз тўқнашувнинг 1-босқичи (бирламчи контактли) билан боғлиқ бўлган. Сон суяклари синиши жойлашувининг товондан баландлик даражаси автомобиллар билан тўқнашувда (1-босқичда) қуйидаги русумларда мос равишда ташкил этди: «Lacetti» – 65,0 см, «Spark» – 47,0 см, «Matiz» – 42,0 см. Юқори аъзоларда (қўлларда) синишлар кўпинча елка суякларида кузатилди, билак суякларининг синиши эса сезиларли даражада камроқ қайд этилди; уларнинг шаклланиши ЙТҲнинг 3-босқичи – жабрланган пиёдаларнинг йўл қопламасига йиқилиши билан боғлиқ бўлган
Библиографические ссылки
World Health Organization. Global status report on road safety. October 28, 2021, WHO
Kovalev AV, Makarov IY, Samokhodskaya OV, Kuprina TA. Structure of fatal mechanical injury in Russia (based on materials from 2003-2017). Forensic Medical Examination, 2, 2019, pp. 11-14. DOI: 10.17116/sudmed20196202111
Leonov SV et al. Sign of a pedestrian being run over by a car wheel when the car changes direction (practical observation) // Bulletin of Forensic Medicine. - 2021. - P. 50. https://sttonline.ru/files/vsm/VSM-2021-2.
Solokhin A.A. Forensic Medical Examination in Cases of Automobile Injury M-Medicine 1968. – 227 p. https://www.dissercat.com/content
Soica A., Tarulescu S. Impact phase in a frontal collision between a car and a pedestrian. Int. J. Automot. Technol., 17 (2016), pp. 387–397 DOI : 10.1007/s12239−016−0040−y
Neville A. Stanton a b, Paul M. Salmon, Guy H. Walker, Maggie Stanton Collision analysis models and methods: A comparative study based on an Uber-pedestrian collision. Security Science Volume 120, December 2019, pages 117–128 https://www.racfoundation.org/wp-content/uploads
