OLIY TA’LIM TASHKILOTLARIDA PEDAGOGLAR XODIMLARNI MAJBURIY TIBBIY KO‘RIKDAN O‘TKAZISHNING HUQUQIY MUAMMOLARI

##article.abstract##

Maqolada O‘zbekiston Respublikasida oliy ta’lim tashkilotlarining pedagoglari va boshqa xodimlarini majburiy tibbiy ko‘rikdan o‘tkazish bilan bog‘liq dolzarb huquqiy masalalar ko‘rib chiqilgan. Xususan, oliy ta’lim tashkilotlarida pedagog xodimlar va boshqa xodimlarni tibbiy ko‘rikdan o‘tkazishning majburiyligi, tibbiy ko‘rikning turlari, davriy tibbiy ko‘rikning muddatlarini belgilash, majburiy tibbiy ko‘rikdan o‘tkazishni moliyalashtirish va boshqa dolzarb masalalar bo‘yicha milliy qonunchilikdagi noaniqliklar va ziddiyatlar aniqlangan. Ayni ushbu muammolar sababli amaliyot turlicha shakllanganligi ko‘rsatib berilgan hamda ular yuzasidan muallifning tahliliy fikr-mulohazalari bildirilgan. Pedagoglarning ijtimoiy va moddiy farovonligi, kasbiy o‘sishi to‘g‘risida g‘amxo‘rlik qilish nuqtai nazaridan oliy ta’lim tashkilotlarida professor-o‘qituvchilarni tibbiy ko‘rikdan o‘tkazish bo‘yicha qonun chiqaruvchining yondashuvini aniqlashtirish, bunda davlatning huquqiy siyosati va institutsional asoslari, tibbiy ko‘rikdan o‘tkazishning maqsad va vazifalari inobatga olinishi lozimligi keltirib o‘tilgan.