QORAQALPOG‘ISTONDA YOSHLAR NORASMIY BANDLIK DINAMIKASINING IJTIMOIY-IQTISODIY OMILLARI

##article.abstract##

Ushbu maqolada so‘nggi yillarda Qoraqalpog‘iston Respublikasida amalga oshirilayotgan iqtisodiy islohotlar, hududning dotatsiyadan chiqib, iqtisodiy mustaqillikka erishish jarayoni va yoshlar bandligini ta’minlash borasidagi strategik vazifalar tahlil qilinadi. Maqolada Qoraqalpog‘istonda yoshlar o‘rtasidagi norasmiy bandlik dinamikasi mintaqaning o‘ziga xos iqtisodiy, ekologik va demografik xususiyatlari bilan aloqadorlikda o‘rganilgan. Shuningdek, Qoraqalpog‘istonda yoshlarni rasmiy bandlikka jalb qilish uchun raqamli ko‘nikmalarni rivojlantirish va kichik biznes uchun soliq imtiyozlarini kengaytirishga ko‘maklashadigan kompleks sotsiologik tadqiqotlarni yanada takomillashtirish muhim ilmiy-amaliy yechimlar ishlab chiqilgan. Maqolada hudud uchun berilgan misli ko‘rilmagan soliq imtiyozlari, xorijiy investitsiyalar oqimi va yangi sanoat loyihalarining aholi turmush darajasiga ta’siri ko‘rib chiqilgan. Shuningdek, har yili mehnat bozoriga kirib kelayotgan 50 ming nafar yoshni zamonaviy kasb-hunarlarga o‘qitish va yuqori daromadli ish o‘rinlari bilan ta’minlash bo‘yicha amaliy takliflar ilgari surilgan.